ເຂົ້າຄັງປະກັນສຸຂະພາບຊຸມຊົນໃນວັນນີ້ຊີວິດຈະດີໃນວັນໜ້າ
ຄປສຊ ແມ່ນຫຍັງ ?
ຄປສຊ ແມ່ນຄັງປະກັນສຸຂະພາບຊຸມຊົນເພື່ອຊ່ວຍເຫຼືອເຊິ່ງກັນ ແລະ ກັນຂອງປະຊາຊົນຜູ້ທີ່ມີອາຊີບອິດສະຫຼະໂດຍບໍ່ຫວັງຜົນກຳໄລດ້ວຍການຈ່າຍເງີນລ່ວງໜ້າເປັນປີເວລາເຈັບແລ້ວໄປໂຮງໝໍຈະບໍ່ໄດ້ເສຍຄ່າປິ່ນປົວອີກ.
ການສ້າງຕັ້ງ ຄປສຊ ແມ່ນເພື່ອຫຍັງ ?
- ເພື່ອໃຫ້ປະຊາຊົນເຂົ້າເຖີງການບໍລິການດ້ານສຸຂະພາບໂດຍບໍ່ກັງວົນກັບຄ່າປິ່ນປົວລາຄາສູງ.
- ເພື່ອໃຫ້ປະຊາຊົນທີ່ເຈັບເປັນໄດ້ຮັບການປິ່ນປົວແຕ່ຫົວທີຫຼິກເວັ້ນການແກ່ຍາວຊັກຊ້າ.
- ເພື່ອປັບປຸງຄຸນນະພາບການບໍລິການຢູ່ໂຮງໝໍໃຫ້ດີຂື້ນ.
ຜົນປະໂຫຍດທີຈະໃດ້ຮັບມີຫຍັງແດ່ ?
ສະມາຊິກທຸກຄົນໄດ້ຮັບການບໍລິການໂດຍບໍ່ເສຍຄ່າ
- ກວດພະຍາດ ແລະ ປິ່ນປົວສຸຂະພາບ ( ກວດເຂດນອກ,ສຸກເສີນ ແລະ ນອນໂຮງໝໍ ).
- ຢາປົວພະຍາດຕາມບັນຊີຢາໃນໂຮງໝໍ,ອຸປະກອນຄ່າປິ່ນປົວສູງ.
- ການກວດເພີ້ມເພື່ອບົ່ງມະຕິຕາມແພດສັ່ງ ເຊັ້ນ: ສ່ອງໄຟຟ້າ,ກວດຄື້ນສຽງ ເອໂກ,ກວດວິເຄາະແທກຫົວໃຈ ແລະ ອຶ່ນໆທີ່ຈຳເປັນ.
- ການກັນພະຍາດ,ສົ່ງເສີມສຸຂະພາບ ແລະ ການປິ່ນປົວສຸຂະພາບທີ່ມີໂຄງການສະໜອງໃຫ້ລ້າ ( ວັນນະໂລກ,ຂີ້ທູດ,ສັກຢາກັນພະຍາດ,ລວມທັງການບໍລິການແມ່ ແລະ ເດັກ ແລະ ໂຄງການອື່ນໆຂອງລັດຖະບານ.
- ການຟື້ນໜ້າທີ່ການຮ່າງກາຍ ກາຍຍະບຳບັດ.
- ການນຳສົ່ງຄົນເຈັບຫາໂຮງໝໍສົ່ງຕໍ່ສຳລັບກໍລະນີເຈັບໜັກທີ່ມີຄວາມສ່ຽງສູງຕໍ່ການເສຍຊີວິດ ເຊິ່ງໂຮງໝໍຄູ່ສັນຍາຫຼັກບໍ່ສາມາດປິ່ນປົວໄດ້.
- ພະຍາດຊຳເຮື້ອ,ເບົາຫວານ,ຄວາມດັນເລືອດສູງ,ໄຂ່ຫຼັງຊຸດໂຊມ,ຄໍໜຽງເປັນພິດ,ຫົວໃຈ ແລະ ຕັບຊຸດໂຊມ.
Back