ອັດຕາເບ້ຍປະກັນທີ່ກຳນົດໄວ້:

ມີສອງທາງເລືອກສຳລັບ ປະເພດສະມາຊິກ, ດັ່ງທີ່ອະທິບາຍຢູ່ໃນຄູ່ມືຂອງ ຄປສຊ ສະບັບປັບປຸງ.

• ປະກັນທາງເລືອກ 1 : ສະມາຊີກສາມາດໄປໃຊ້ບໍລິການ ການປິ່ນປົວໂດຍກົງຢູ່ໂຮງໝໍສູນກາງ.

• ປະກັນທາງເລືອກ 2 : ສະມາຊີກຕ້ອງຜ່ານໂຮງໝໍເມືອງກ່ອນແລ້ວຈື່ງໄປໂຮງໝໍສູນກາງ. ປະເພດຂອງປະປະກັນແມ່ນສາມາດສະແດງໄດ້ໃນບັດສະມາຊິກ ຄປສຊ ໂດຍນຳໃຊ້ສີບັດແຕກຕ່າງກັນເພື່ອບອກເຖີງທາງເລືອກປະກັນ ແລະ ການຈ່າຍເງິນສົມທົບ.

  • ສີຟ້າແມ່ນ ປະກັນທາງເລືອກ 1
  • ສີແດງແມ່ນ ປະກັນທາງເລືອກ 2

ໄລຍະການຈ່າຍເບ້ຍປະກັນ :

ແມ່ນຈ່າຍເປັນ 3, 6, 9 ຫລື 12 ເດືອນ ຄະນະກຳມະການຄຸ້ມຄອງ ຄປສຊ ຈະບໍ່ຮັບການຈ່າຍເປັນງວດອື່ນໆ. ຄປສຊ ພະຍາຍາມຊຸກຍູ້ໃຫ້ສະມາຊິກຈ່າຍບາດດຽວໝົດປີ ໂດຍຈະມີສິ່ງກະຕຸກຊຸກຍູ້ສຳລັບຜູ້ທີ່ຈ່າຍເປັນປີ ຄື: ຈະມີ (ສ່ວນຫລຸດ + ລະບຽບໃນການລໍສິດ) ຊຶ່ງມີລາຍລະອຽດດັ່ງລຸ່ມນີ້:

1. ອັດຕາເບ້ຍປະກັນຕາມໄລຍະເວລາຂອງການລົງທະບຽນ.

ປະເພດ 1
# ເດືອນລົງທະບຽນ	ສ່ວນຫລຸດ	ຂະໜາດຄອບຄົວ	ເບ້ຍປະກັນສຳລັບໄລຍະເວລາດັ່ງກ່າວ	ຈຳນວນທຽບເທົ່າເບ້ຍປະກັນ 1 ປີ
3	0 %	1	75,000	300,000
		2 - 4	125,000	500,000
		5 - 7	162,500	650,000
		≥ 8	175,000	700,000
6	0 %	1	150,000	300,000
		2 - 4	250,000	500,000
		5 - 7	325,000	650,000
		≥ 8	350,000	700,000
9	0 %	1	225,000	300,000
		2 - 4	375,000	500,000
		5 - 7	487,500	650,000
		≥ 8	525,000	700,000
12	10 %	1	270,000	270,000
		2 - 4	450,000	450,000
		5 - 7	585,000	585,000
		≥ 8	630,000	630,000




2. ອັດຕາສ່ວນຫຼຸດອີງຕາມອັດຕາການຈ່າຍເບ້ຍປະກັນ

ປະເພດ 1
# ເດືອນລົງທະບຽນ	ສ່ວນຫລຸດ	ຂະໜາດຄອບຄົວ	ເບ້ຍປະກັນສຳລັບໄລຍະເວລາດັ່ງກ່າວ	ຈຳນວນທຽບເທົ່າເບ້ຍປະກັນ 1 ປີ
3	0 %	1	52,500	210,000
		2 - 4	90,000	360,000
		5 - 7	112,500	450,000
		≥ 8	125,000	500,000
6	0 %	1	105,000	210,000
		2 - 4	180,000	360,000
		5 - 7	225,000	450,000
		≥ 8	250,000	500,000
9	0 %	1	157,500	210,000
		2 - 4	270,000	360,000
		5 - 7	337,500	450,000
		≥ 8	375,000	500,000
12	10 %	1	189,000	189,000
		2 - 4	324,000	324,000
		5 - 7	405,000	405,000
		≥ 8	450,000	450,000




ເງືອນໄຂການຮັບບໍລິການແມ່ນຂື້ນກັບໄລຍະເດືອນທີ່ສະມາຊິກເລືອກຈ່າຍ ສະມາຊິກສາມາດເລືອກປ່ຽນປະເພດປະກັນໄດ້ກໍ່ຕໍ່ເມືອອາຍຸປະກັນປະເພດເກົ່າສິ້ນສຸດລົງເທົ່ານັ້ນ ສ່ວນການເກີດສິດແມ່ນໄດ້ທັນທີ ໂດຍບໍ່ຕ້ອງລໍຖ້າ.

ຕົວຢ່າງ:
• ໃນເດືອນມັງກອນ ສະມາຊິກ ກ ເລືອກປະເພດ 1 ແລະ ເລືອກຈ່າຍ 3 ເດືອນ. ລາວຈະໄດ້ຮັບຜົນປະໂຫຍດ ການບໍລິການຕາມປະເພດ 1 ຈົນຮອດເດືອນມີນາ.
• ຮອດທ້າຍເດືອນມີນາ, ລາວສືບຕໍ່ຈ່າຍເພື່ອຕໍ່ອາຍຸບັດ ແຕ່ວ່າລາວສະເໜີປ່ຽນເປັນປະກັນປະເພດ 2. ລາວຈະສືບຕໍ່ຮັບຜົນປະໂຫຍດ ໃນປະກັນປະເພດ 2 ອີງໃສໄລຍະການເປັນສະມາຊິກ ແລະ ເລີ່ມການເກີດສິດ ຄັ້ງທີ່ຜ່ານມາ ພ້ອມຈະສິ້ນສຸດລົງຕາມຈຳນວນເດືອນທີ່ໄດ້ຈ່າຍ.

3. ເງື່ອນໄຂກ່ຽວກັບໄລຍະລໍສິດ

ເພື່ອຊຸກຍູ້ໃຫ້ມີການລົງທະບຽນໄລຍະຍາວນານ, ເງື່ອນໄຂກ່ຽວກັບໄລຍະລໍສິດໄດ້ມີການຜ່ອນຜັນສຳລັບການລົງທະບຽນໄລຍະ 6,9 ແລະ 12 ເດືອນ, ດັ່ງລະບຸໃນຕາຕະລາງລຸ່ມນີ້:

# ເດືອນລົງທະບຽນ	ສ່ວນຫລຸດ	ໄລຍະລໍສິດ
3	0%	ກວດເຂດນອກ	1 ເດືອນ
		ນອນປິ່ນປົວ/ການຜ່າຕັດສຸກເສີນ	3 ເດືອນ
		ການຖືພາແລະເກີດລູກ	6 ເດືອນ
		ການຜ່າຕັດໃນແຜນ	6 ເດືອນ
		ເງິນຊ່ວຍຊາປະນະກິດສົບ	6 ເດືອນ
6	0%	ກວດເຂດນອກ	ບໍ່ມີໄລຍະລໍຖ້າ
		ນອນປິ່ນປົວ/ການຜ່າຕັດສຸກເສີນ	ບໍ່ມີໄລຍະລໍສິດ
		ການຖືພາແລະເກີດລູກ	ບໍ່ມີໄລຍະລໍສິດ
		ການຜ່າຕັດໃນແຜນ	6 ເດືອນ
		ເງິນຊ່ວຍຊາປະນະກິດສົບ	6 ເດືອນ
9	0%	ກວດເຂດນອກ	ບໍ່ມີໄລຍະລໍຖ້າ
		ນອນປິ່ນປົວ/ການຜ່າຕັດສຸກເສີນ	ບໍ່ມີໄລຍະລໍສິດ
		ການຖືພາແລະເກີດລູກ	ບໍ່ມີໄລຍະລໍສິດ
		ການຜ່າຕັດໃນແຜນ	6 ເດືອນ
		ເງິນຊ່ວຍຊາປະນະກິດສົບ	6 ເດືອນ
12	10%	ກວດເຂດນອກ	ບໍ່ມີໄລຍະລໍຖ້າ
		ນອນປິ່ນປົວ/ການຜ່າຕັດສຸກເສີນ	ບໍ່ມີໄລຍະລໍສິດ
		ການຖືພາແລະເກີດລູກ	ບໍ່ມີໄລຍະລໍສິດ
		ການຜ່າຕັດໃນແຜນ	6 ເດືອນ
		ເງິນຊ່ວຍຊາປະນະກິດສົບ	6 ເດືອນ


ໝາຍເຫດ: ໄລຍະລໍເກີດສິດທຸກໆເງື່ອນໄຂແມ່ນ 1 ເດືອນສຳລັບການພິມບັດສະມາຊິກ.

ການປ່ຽນທາງເລືອກປະກັນສຸຂະພາບນັ້ນແມ່ນສາມາດເຮັດໄດ້ຕອນລົງທະບຽນເທືອທຳອິດ ຫຼື ເລີ່ມສືບຕໍ່ຈ່າຍເບ້ຍປະກັນເພື່ອຕໍ່ເປັນສະມາຊິກ. ດັ່ງນັ້ນ, ຖ້າເປັນສະມາຊິກເກົ່າສືບຕໍ່ ຈ່າຍເປັນປົກກະຕິ ສະເໜີປ່ຽນທາງເລືອກປະກັນຈາກ 1 ເປັນ 2 ຫຼື ຈາກ 2 ເປັນ 1 ລາວສາມາດເກີດສິດໃນປະກັນທາງເລືອກໃໝ່ເລີຍຕາມໄລຍະເກີດສິດທີ່ກຳນົດໄວ້.

ກໍລະນີພິເສດ

ພະສົງ, ນັກຮຽນ & ນັກສຶກສາທີ່ອາໄສຢູ່ຫໍພັກ /ເຮືອນເຊົ່າ, ນັກສຶກສາຈາກຕ່າງນະຄອນຫຼວງທີ່ອາໄສຢູ່ນຳພີ່ນ້ອງແລະບໍ່ໄດ້ຮັບການຈົດເຂົ້າໃນສຳມະໂນຄົວຈະຕ້ອງມີເອກະສານຢັ້ງຢືນຈາກສະຖາບັນທີ່ກ່ຽວຂ້ອງ. ພວກເຂົາເຈົ້າຕ້ອງໄດ້ຈ່າຍອັດຕາພິເສດ 120,000 ກີບ /ປີ ສຳລັບປະກັນທາງເລືອກ 2. ຈະບໍ່ມີສ່ວນຫລຸດໃດໆໃຫ້ຜູ້ກ່ຽວອີກ. ຖ້າຫາກວ່າ ພະສົງ, ນັກຮຽນ & ນັກສຶກສາທີ່ອາໄສຢູ່ຫໍພັກ /ເຮືອນເຊົ່າ, ນັກສຶກສາ ຕ້ອງການເລືອກປະກັນທາງເລືອກ 1 ແມ່ນໃຫ້ປະຕິບັດຕາມອັດຕາຄອບຄົວດ່ຽວທີກຳນົດໄວ້ໃນໜ້າ 10 ໂດຍບໍ່ມີສ່ວນຫຼຸດໃດໆ. ພວກເຂົາຕ້ອງໄດ້ປະຕິບັດຕາມເງື່ອນໄຂໃນການລໍສິດອີງໃສໄລຍະເວລາຈ່າຍ.

# ເດືອນລົງທະບຽນ	ອັດຕາພິເສດ
3	30,000
6	60,000
9	90,000
12	120,000